NAVENDA NÛÇEYAN – Zêdeyî 150 aktîvîstên enternasyonalîst ên ji çar aliyên cîhanê bi taybet li Elmanya, Fransa, Spanya, Portekîz, Swîsre û Îngilîstanê wê di 6’ê Sibatê de ji bo azadiya Rêber Apo li bajarê Cenevre yê Swîsreyê dest bi meşa dirêj bikin.
Endama Navenda Jineolojiyê û endama komîteya amadekar a Meşa Dirêj a Enternasyonalîst Nora Merîno ku têkildarî meşê agahî dan ajansa me, diyar kir ku meşa Enternasyonalîst a ku îsal cara heftemîn tê lidarxistin. li Swîsreyê bê lidarxistin û diyar kir ku ew ê hem 100. salvegera 4 parçebûna Kurdistanê û hem jî azadiya fîzîkî ya Rêber Apo bixwazin.
Em dixwazin dengê xwe bi dengê gelê Kurd re bikin yek
Nora Merîno diyar kir ku ew ê îsal meşa 7’ê li dar bixin, diyar kir ku ew dixwazin ji bo Rêber APO bibin dengê têkoşîna gelê Kurd û got, “Em weke enternasyonalîst 7 sal in meşên dirêj organîze dikin. Em dixwazin têkoşîna azadiya Kurd û têkoşîna gelê Kurd nas bikin û bi girseyan bidin naskirin. Di heman demê de em dixwazin dengê gelên ji neteweyên cuda bi dengê gelê Kurd re bînin gel hev. Em dixwazin bi vê têkoşînê azadiya Rêber Apo misoger bikin.”
Ocalan rêberê hemû gelên bindest e
Di serî de Rêber Apo ne tenê rêberê gelên Rojhilata Navîn û gelên Rojhilata Navîn e, di heman demê de rêberê hemû bindestan e û got, “Ew ne tenê rêberê Kurdan û gelên Rojhilata Navîn e. Her wiha pêşenga hemû bindestan bi paradîgmaya ku bi dirûşma “Jin Jiyan Azadî” da jiyandin. Felsefeya “Jin Jiyan Azadî” pêşengiya berxwedana gerîla ya li çiya û berxwedana zindanan a li Rojava, Îran û Rojhilat dike. Di serî de jin, ciwan û gelan em dixwazin li dora fikrên avakerê vê felsefeyê Birêz Ocalan xwe bi rêxistin bikin. Di heman demê de em dixwazin rengê enternasyonalîstan jî ji têkoşîna berdewam re nîşan bidin.”
Em azadiya fîzîkî ya Ocalan dixwazin
Merîno diyar kir ku sala 2023’an li Tirkiyeyê jî sala hilbijartinê ye, têkoşîn mezin kir û destnîşan kir ku dema azadiya fîzîkî ya Ocalan hatiye. “Divê em têkoşînê mezin bikin û azadiya fîzîkî ya Rêber APO misoger bikin. Divê paradîgmaya wî ya ‘Konfederalîzma Demokratîk û zanista Jineolojiyê li hemû cîhanê belav bibe û ciwan, jin û gel li her derê vê îdeolojiyê weke ya xwe bibînin û bipejirînin.
Hemû rengên cîhanê bi hev re
Merîno der barê bernameya meşê de agahî da û diyar kir ku wê zêdetirî 150 aktîvîstên enternasyonalîst ên ji erdnîgariyên cuda yên cîhanê, ji Ewropayê heta Amerîkaya Latîn, ji Awûstralya heta Afrîkayê, beşdarî vê meşê bibin. Merîno got, “Ji Elmanya, Fransa, Îtalya, Amerîkaya Latîn, Îngilîstan, Ewropaya Rojhilat, Afrîka û Awûstralyayê derdora 150-160 heval wê beşdarî vê meşê bibin.
Konferansa Cenevreyê ya 5ê Sibatê
Melîno da zanîn ku ew ê di 6’ê Sibatê de dest bi meşê bikin û diyar kir ku ew ê di 5’ê Sibatê de li Cenevreyê ji bo Rêber Apo konferansekê li dar bixin. Merîno got: “Em weke enternasyonalîst di 5’ê Sibatê de li Cenevreyê konferansekê li dar dixin. Rastiya Rêber APO di heman demê de rastiya Kurdistanê ye.
Di vê konferansê de em ê bi tevlêbûna parêzerên Rêber APO behsa paradîgmaya Rêber APO, hevrêtiya wî ya bi jinan re, tecrîda li Îmraliyê bikin. Di heman demê de parêzerên endamên platforma li dijî tecrîdê ku rojên borî çûne Tirkiyeyê dê çavdêriyên xwe ragihînin. Em ê cihê têkoşîna azadiya Kurd a li cîhanê û geşedanên siyasî yên li cîhanê jî binirxînin. Komên ku beşdarî meşê bibin dê der barê têkoşîna li welatên xwe de agahiyan bidin. Konferans wê bi nîşandana fîlmê min Kobanê bi dawî bibe. Di meşê de wê bernameyên cuda bên lidarxistin. Ji nû ve girêdana bi Rojava re dê geşedanên dawî bên nîqaşkirin.”
Erdogan Zamur/ Oner Polat – Cenevre
